PLD Grischun porta led per seis anteriur cusglier guvernativ Jakob Schutz
In ot età da 95 ans es mort venderdi passà l'anteriur cusglier guvernativ Jakob Schutz-Trippel da Filisur. Fich bain è'l gnü caracterisà illa pressa: „Jakob Schutz ha dat sia vita per la politica e per la mansteranza." Eir per la partida, la PLD, s'ha'l miss aint fermamaing, adüna darcheu ha'l dit si'opiniun per dumandas internas da la partida. Malavita nu daiva pro plü sia sandà dad esser preschaint pro occasiuns da la partida.
Jakob Schutz barmör es stat dals 15 avrigl 1969 fin la find al 1978 cusglier guvernativ aint il departamaint da güstizia e pulizia. Aint il ans 1975 – 1979 ha'l represchantà il Grischun eir aint il cussagl naziunal.
La PLD.Ils Liberals Grischun porta led per ün char ami e collega da partida. Ella exprima als relaschats sias condolaziuns resentidas.
Char Joggi, no nu t'invlidaran, tü restarast in fich buna memorgia. Possast posar in pasch.